Кеңес Одағының Батыры Ә.Молдағұлованың облыстық мемориалды музейінде Чернобыль апатының 30жылдығына орай өткізілетін«Эхо Чернобыля» атты кездесу кеші туралы МӘЛІМЕТІ
2016 жылдың 28 сәуір күні Кеңес Одағының Батыры Ә.Молдағұлованың облыстық мемориалды және «Руханият» облыстықмузейімен бірігіп Чернобыль апатының 30жылдығына орай «Эхо Чернобыля» атты кездесу өткізді.
Шараға Чернобыль атом электр станциясында болып, жарылыс салдарын жоюға қатысқан сарбаздармендәрігерлер, физик мамандары, оқытушылар мен студенттер қатысты.
Ә.Молдағұлованың облыстық мемориалды музейі. Іздестіру топтарын майдан өткен жерлерге шығарып салу жөнінде МӘЛІМЕТ
22 сәуірде Мәңгілік От алаңында Халықаралық Естелік Вахтасына «Жауынгерлік Бауырластығы» іздестіру қозғалысының мүшелерін Новгород облысына шығарып салу рәсімі өткізілді.
Шараға іздестірушілер тобының 14 мүшелері қатысты. Оның құрамында - мектеп оқушылары, Қ.Жұбанов атындағы Ақтөбе өңірлік мемлекеттік университетінің студенті, Родников, Қандағаш орта мектептерінің оқушылары бар. Шығарып салу рәсіміне соғыс ардагерлерінің тума-туыстары, Ақтөбе облысының үкіметтік емес ұйым ассоциациясының президенті, әскери техникалық мектебінің курсанттары, №19 орта мектебінің 10 сынып оқушылары қатысты.
Кеңес Одағының Батыры Ә.Молдағұлованың облыстык мемориалды музейінде өткізілген әйгілі композитор А.Жұбановтың 110жылдығына арналған «Қазақ мәдениетінің бәйтерегі» атты әдеби-сазды кештің ХАБАРЛАМАСЫ
2016 жылы 30 наурыз күні Кеңес Одағының Батыры Ә.Молдағұлованың облыстық мемориалды музейі және Мұғалжар ауданы Ағайынды Жұбановтар мемориалды музейімен бірге қазақ музыкасын зерттеуші көрнекті ғалым, әйгілі композитор, дирижер, Қазақстанның халық әртісі, өнертану ғылымының докторы, профессор, академик.Ахмет Қуанұлы Жұбановтың (1906-1968ж.ж.) 110 жылдығына арналған «Қазақ мәдениетінің бәйтерегі» атты әдеби – сазды кеш, А.Жұбановтың өмірі мен шығармашылығына қатысты тарихи-деректі материалдар және заттай экспонаттардан жылжымалы көрме ұйымдастырылды.
Кеңес Одағының Батыры Ә.Молдағұлованың облыстық мемориалды музейі өткізген Ұ.Құлымбетовтың 125 жылдығына арналған «Алаштың ардақты азаматы» атты тарихи-танымдық кеш туралы МӘЛІМЕТ
2016 жылдың 18 наурызында Кеңес Одағының Батыры Ә.Молдағұлованың облыстық мемориалды музейінде тарихи-танымдық кеш өткізілді.
Мақсаты: көрнекті мемлекет қайраткері Ұзақбай Құлымбетовтің тарихи тұлғасы мен қайраткерлік іс-әрекетін, артында қалған мол рухани мұрасын талдап-таразылау, зерделеу. Жас ұрпақтың өз елінің тарихи тұлғаларының жүріп өткен өмір жолдарына деген қызығушылығын арттыру.
Кеңес Одағының Батыры Ә.Молдағұлованың облыстық мемориалды музейі өткізген «Мен қазақ қыздарына қайран қалам» атты мерекелік кеш туралы МӘЛІМЕТ
Кеңес Одағының Батыры Ә.Молдағұлованың облыстық мемориалды музейінде 2016 жылдың 3 наурызы күні 8 наурыз - Халықаралық әйелдер күніне арналған «Мен қазақ қыздарына қайран қалам» атты мерекелік кеш ұйымдастырылды.
Мақсаты: жастарға әскери-патриоттық тәрбие беру, қыздар арасында әскери мамандықтар дәрежесін көтеру, Отаны мен халқына қызмет көрсететін нәзік жанды әскери мамандық иелерімен таныс болу.